महिन्दा राजापाक्षेका छोरा बने श्रीलंकाको राष्ट्रपति उम्मेदवार- यस्तो छ तीन पुस्ते सत्ता यात्रा

काठमाडौँ । श्रीलंकामा अगामी सेप्टेम्बर २१ मा राष्ट्रपतिय चुनाव हुँदैछ । चुनावमा आज बिहीबार अन्तिम उमेद्वारको नामावादी सार्वजनिक भएको छ । ३९ जनाको नामावाली स्विकार भएको श्रीलंकाको निर्वाचन आयोगले आज सार्वजनिक गरेको छ ।

सन २०१९ मा भएको चुनावमा भन्दा पाँच जना धेरै उमेद्वारले यो चुनावमा भाग लिएका छन् । राष्ट्रपतिय चुनावमा वर्तमान राष्ट्रपति रनिल बिक्रमासिंगे तथा पूर्वराष्ट्रपति तथा प्रधानमन्त्री महिन्दा राजापाक्षेका छोरा लक्ष्मण नमल राजापाक्षेको उमेद्वारी भने धेरै चर्चामा छ । पूर्वराष्ट्रपति पिताका छोरा तथा पूर्वराष्ट्रपति गोताबाया राजापाक्षेका भतिजा लक्ष्मणको उमेद्वारीले विश्वभर हेडलाइन बनाएको छ ।

खासगरी भारतीय तथा पश्चिमा मिडियाहरुमा उनको बारेमा चर्चा बढेको छ । पिता प्रधानमन्त्री तथा काका राष्ट्रपति भएको समयमा लक्ष्मण युवा तथा खेलकुदमन्त्री भएका थिए । अहिले पनि उनी सांसद छन् । श्रीलंका तथा बेलायतमा गएर कानुन पढेका उनी अभिवक्ता पनि हुन् । ३८ वर्षका लक्ष्मण नमल राजापाक्षेत्रको उमेद्वारीमा धेरै चासो र सरोकार धेरैको छ ।

लक्ष्मणको तीन पुस्ते सत्तामा बसेको अनुभव छ । उनी सांसद तथा मन्त्री भएका छन् । उनका पिता राष्ट्रपति तथा प्रधानमन्त्री भए । उनका काका पनि राष्ट्रपति भए । उनका हजुरबा दोन आल्बिन राजापाक्षे पनि सांसद तथा मन्त्री भएका थिए । उनी विजयानन्द दायानायके प्रधानमन्त्री भएको समयमा सन १९५९ देखि सन १९६० सम्म कृषि तथा भूमिमन्त्री भएका थिए । मन्त्री हजुरबा, प्रधानमन्त्री तथा राष्ट्रपति पिता भएको परिवारका सदस्य लक्ष्मण नमल राजापाक्षे अहिले पुनः राष्ट्रपतिमा उमेद्वार भएका छन् । राजापाक्षे परिवार जोडिएको दल एसएलपीपीबाट उनी आधिकारिक उमेद्वार भएको अगस्ट ६ मा सार्वजनिक गरिएको थियो ।

राष्ट्रपतिय उमेद्वार भएपछि पहिलो प्रतिकृया सार्वजनिक गर्दै उनले लेखेका छन्, ‘मैले निर्वाचिन आयोग समक्ष सन २०२४ को राष्ट्रपतिय चुनावको लागि मनोनयन सार्वजनिक गरेको छु । लोकतान्त्रिक तथा निपक्ष चुनावमा हाम्रो विश्वास अनुरुप हामीमा चुनाव सामना गर्ने शक्ति छ । चुनौतीको लागि चुनौती बन्न तयार ।’