श्रीमानसँग खटपट भएकी नेपाली नर्स ममता काफ्ले अमेरिकामा बेपत्ता

काठमाडौं । हालसालै आमा भएकी अमेरिका निवासी एक नेपाली महिला बेपत्ता भएकी छन् ।

उनी अमेरिकाको वासिङटन डीसी नजिकैको भर्जिनिया क्षेत्रको इनोभा फेयरफ्याक्स हस्टिपल क्याम्पस अन्तर्गतको प्रिन्स विलियम अस्पतालमा नर्स जागिर गर्ने ममता गत जुलाई ३१ बाटा बेपत्ता भएको भन्दै मिनासास क्षेत्रका स्थानियले प्रहरीमा उजुरी गरेका छन् ।

मिनाासास पार्क क्षेत्रको प्रहरीले पनि ममता हराएको सूचना सार्वजनिक गरेको छ । अमेरिकी मिडियाहरु वासिङटन पोस्टदेखि विभिन्न संचारमाध्यमहरुमा ममता हराएको सूचना समाचार भएका आएका छन् । २८ वर्षकी ममताको श्रीमानसँग खटपट भएको सूचना सामाजिक संजाालबाट सार्वजनिक भएको छ ।

सेपेरेटेड सिंगम डिभोस्ड मम फ्रम भर्जिनिया नामक फेसबुक पेजमा केही समय अगाडि ममताले श्रीमानसँग खटपट भएको संकेत गरेकी थिइन् ।

उनले लखेकी थिइन्, ‘हाई म ६ महिने बच्चाकी आमा हो । म श्रीमानसँग अलग हुन खोजिरहेको छु । म हप्ताको दुई दिन काम गर्छु । तर, मेरा श्रीमानले मलाई बच्चालाई हेर्न साथ दिएका छैनन् । म अलग भएपछि उनले बच्चालाई बाल कस्टडीमा राख्छु भन्छन् । के यो सम्भव छ ? मलाई बच्चाको हेरचाह गर्ने केन्द्रबारेमा सहयोग चाहियो । मलाई सामाजिक कार्यकर्ताबबाट सहयाोग र केही सल्लाह चाहियो ।’