क्यानडा पढ्न जाने नेपाली विद्यार्थी र अभिभावकलाई दूतावासका ७ सुझाव

काठमाडौं । क्यानडामा अध्ययनका लागि जाने विद्यार्थीहरूलाई दूतावासले सात बुँदे सुझाव दिएको छ ।

एक सूचना जारी गर्दै दूतावासले आफूले अध्ययन गर्ने कलेज, अध्ययन गर्ने विषय, लाग्ने खर्च, कलेज रहेको शहर आदीका बारेमा पर्याप्त खोजी गर्न सुझाएको छ ।

यस्तै अध्ययनका लागि आउनुपूर्व क्यानडामा रहेका आफन्त, साथीहरू, विद्यार्थीहरूको सोसल मिडिया नेटवर्क, सम्बन्धित शहरका गैर आवासीय नेपाल संघ लगायत संघसंस्थाहरुलाई आफू आउन लागेको ठाउँ, खर्च, रोजगारीको सम्भावनाका बारेमा बुझेर जानकारी लिएर मात्रै आउन सुझाव दिएको छ ।

क्यानडा जानासाथ रोजगारी पाइन्छ भनने भ्रमले धेरै विद्यार्थीहरू समस्या पर्ने गरेको स्मरण गराउँदै दूतावासले सम्पूर्ण आवश्यक खर्चको यथोचित प्रबन्ध गरेर मात्रै आफ्ना छोराछोरीलाई पठाउन अभिभावकहरूलाई सुझाव दिएको छ ।