कर्णालीमा दुई दिनदेखि विद्युत् अवरुद्ध
नेपाल प्रेस
२०८१ भदौ ३ गते ७:३४
सुर्खेत । कर्णाली प्रदेशमा दुई दिनदेखि विद्युत् अवरुद्ध भएको छ ।
कोहलपुर-सुर्खेत ३३ केभी प्रसारण लाइनमा आइतबार बिहानैदेखि बबई र हर्रेको बिच खोलामा रुख ढलेर करिब ६ वटा पोलको तारमा क्षति पुगेपछि विद्युतविहीन बनेको हो ।
वर्षातको समय र घना जङ्गलबिचमा भएकाले प्राधिकरणका कर्मचारीहरू बिहानैदेखि क्षतिग्रस्त ठाउँ खोज्न हिँडे पनि आइतबार बेलुका ६ बजेतिर मात्र पत्ता लागेको र मर्मतको काम भइरहेको प्राधिकरणले जानकारी दिएको छ ।
विद्युत् अवरुद्ध भएपछि कर्णालीमा नेपाल टेलिकमको नेटवर्क सेवा प्रभावित भएको छ ।
लामो समयसम्म विद्युत् अवरुद्ध हुँदा उद्योग, व्यवसाय, अस्पताल, बैंकलगायतका क्षेत्र प्रभावित भएका छन् ।
नेपाल प्रेस
प्रकाशित: २०८१ भदौ ३ गते ७:३४
प्रतिक्रिया
सम्बन्धित खवर
