बङ्गलादेशी पत्रकारले फेरि सम्झाए सोनिया गान्धीको प्रेम : को हुन ती गोलकिपर प्रेमी ?

काठमाडौं । हालसालै सामाजिक सञ्जालमा बङ्गलादेशी पत्रकारले एक ट्विट गरे ।

साला उदिन सोआइब चौधरीले भारतीय कांग्रेसकी हेभिवेट नेतृ तथा भारतका पूर्वप्रधानमन्त्री राजीव गान्धी पत्नी सोनिया गान्धीको पहिलो प्रेमबारेमा चर्चा गरे ।

उनका पहिला भनिएका प्रेमी फ्राङ्को लुइसन भएको भन्दै यो पुरानो मुद्दालाई फेरि सतहमा ल्याएका छन् ।

कसरी बाहिरियो सोनिया गान्धीको पहिलो प्रेमको कथा ?

सोनिया गान्धीको प्रेमकथाको सुरुवात सन २००४ बाट हुन्छ । भारतमा कांग्रेसको सरकार र मनमोहन सिंह प्रधानमन्त्री भएको समयमा यो विवाद आएको थियो ।

विवाद सोनियाका प्रथम प्रेमी भनिएका युवाबाटै सार्वजनिक भएको हो । उनले जेन्टे नाम गरेको एक म्यागेजिनमा दिएको अन्तरवार्तामा यो कुरा खुलाएका थिए ।

प्रेमी फ्राङको लुइसनले आफ्नो प्रेम सोनियासँग चार वर्ष भएको बताएका छन् । त्यो बेला सोनियाको नाम एन्तोनिया माइनो रहेको उनले खुलाएका छन् ।

सोनिया इटालीमा हुन्जेल प्रेम भएको तर बेलायत पढ्न गएपछि भने उनी क्रमशः राजीव गान्धीसँग प्रेममा परेर भारत भ्रमण गएर इन्दिरा गान्धी भेटेको । र, आएर पछि विवाहसम्म पुगेको लुइसले खुलाएका छन् ।

साथै, उनले आफू र सोनियाको तस्बिर पनि खेन्ते म्यागेजिनलाई दिएका छन् । सोनिया किशोर हुँदा प्रेम भएको उनले बताएका छन् ।

सोनियासँग प्रेम भएको भन्ने लुइसन भिजेन्जाबाट गोलकिपर थिए । सोनियालाई भने फुटबल मन नपर्ने उनले खुलाएका छन् ।