एलन मस्कलाई ‘क्याबिनेट’ मा सहभागी गराउने तर ईभी सम्बन्धित कर नीति परिवर्तन गर्ने ट्रम्पको चाहना

काठमाडौं । अमेरिकी पूर्व राष्ट्रपति तथा आगामी चुनावमा राष्ट्रपतिको प्रत्याशी रहेका डोनाल्ड ट्रम्पले आफुले चुनाव जितेको खण्डमा टेस्ला तथा स्पेसएक्सका प्रमुख कार्यकारी अधिकृत एलन मस्कलाई क्याबिनेटमा सहभागी गराउने चाहना प्रकट गरेका छन् ।

अन्तर्राष्ट्रिय संचार माध्यम सीएनबीसीका अनुसार ट्रम्पले एलनलाई क्याबिनेटको कुनै पद अथवा सल्लाहकारको कुनै भूमिकामा सहभागी गराउने चाहना प्रकट गरेका हुन् ।

संचार माध्यम रोयटर्सलाई उध्रदृत सीएनबिसीले जनाए अनुसार ट्रम्पले भनेका छन् , ‘उनी (एलन) ले चाहेमा क्याबिनेटको कुनै पद वा सल्हाकारको भूमिका अफर गर्नेछु । ‘

तर ट्रम्पले ईभी सम्बन्धित कर नीतिमा भने केही परिवर्तन गर्न चाहेको पनि बताएका छन् । रिपोर्टका अनुसार केही नयाँ ईभीहरुमा दिइएको ७५०० अमेरिकी डलरको ट्याक्स क्रेडिटलाई भने रोक्ने ट्रम्पको मनसाय रहेको छ ।

यसो भएमा एलन मस्कको टेस्ला कारको विक्रीमा समेत असर पर्ने छ । ट्रम्प भन्छन् ‘ट्याक्स क्रेडिट र ट्याक्स इनीसीएटीभ फलदायी कुरा होइनन् ।’ गत जुलाईमा ट्रम्प माथि गोली प्रहार भएसँगै एलनले ट्रम्पको समर्थन जनाएका थिए ।

आगामी नोभेम्बर ५ मा हुन गइरहेको अमेरिकी राष्ट्रपतिय चुनावमा डोनाल्ड ट्रम्पले डेमोक्र्याटिक पार्टीकी उम्मेदवार कमला ह्यारीससँग प्रतिस्पर्धा गर्दै छैन ।