ओलीसँगको सहमतिबारे देउवाले भने- सोचिविचारी गरेको हो, शंका गर्नुपर्दैन (भिडिओ)

काठमाडौं । नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओलीसँग आफूले सोचिविचारी सहमति गरेको बताएका छन् । कांग्रेस नेता प्रदीप गिरीको दोस्रो स्मृति दिवसका अवसरमा आयोजित कार्यक्रममा बोल्दै आफूहरुले समेटेर जाने बताएका छन् ।

उनले भने, ‘ओलीजी र मबीच सहमति भएको छ । केही कुरा लुकाउनुपर्ने छैन । सबैसँग सल्लाह गरेर गर्ने कुरा हो । त्यसैले कसैले शंका गर्नुपर्ने छैन । ओलीजीसँग धेरै सोचिविचारी गरेको सहमति हो । दुई पार्टी मिले भइहाल्छ नि भन्थे हामीले अरुलाई पनि समेटेका छौं । अरुको खिलाफमा हुँदै होइन ।’

उनले माओवादी, माधव नेपालको पार्टीसहित सबैलाई एक एकसाथ लिएर अघि बढ्ने प्रतिबद्धता जनाए । उनले संविधान संशोधन सहमतिमै हुने भएएकाले ओलीसँग कसैको दबाबमा नमिलेको प्रष्ट्याए ।