एभर्टनमाथि टोटनह्याम्पको चार गोल

हेटौँडा । इङलिस प्रिमियर लिगमा टोटनह्याम्पले सानदार जित दर्ता गरेको छ ।

शनिवार राती भएको खेलमा एभर्टनमाथि ४-० को गोलअन्तरले विजयी हुँदै टोटनह्याप्ले यो सिजन सानदार फममा रहेको जनाउ दिएको हो ।

खेलमा येभ्स विश्वमाले १४ औँ मिनेटमा टोटनह्याम्पलाई सुरुवाती अग्रता दिलाएका थिए । लयमा देखिएको टोटनह्याम्पको लागि दोस्रो गोल खेलको २५ औँ मिनेटमा सन ह्युङ मिनले गरे ।

पहिलो हाफ २-० को अग्रता कायम गरेको टोटनह्याप्मले दोस्रो हाफको ७१ औँ मिनेटमा रोमेरोको गोल मार्फत तेस्रो गोल गर्न सफल बन्यो ।

७७ औँ मिनेटमा सनले व्यक्तिगत दोस्रो र टिमको लागि चौथो गोल गरेपछि टोटनह्याम्पले सानदार जित निकाल्यो ।  जीतसँगै टोटनह्याम्पको दुई खेलबाट चार अंक भएको छ भने एभर्टन २ खेलबाट अङ्क विहीन छ ।

शनिवार नै भएको अन्य खेलमा वेस्ट ह्याम्पले क्रिष्टल प्यालेसलाई २-० ले पराजित गरेको छ भने फूलहमले लेस्टर सिटिलाई २-१ ले पराजित गरेको छ । त्यसै गरी नर्दन फरेस्टले साउथ ह्याम्पनटनलाई १-० गोलले पराजित गरेको छ ।