दोरम्बा शैलुङ पहिरो अपडेट : ६ वटा शव भेटियो, ४ जना बेपत्ता
नेपाल प्रेस
२०८१ भदौ ९ गते ९:२६
काठमाडौं । रामेछापको दोरम्बा शैलुङ ३ लेखर्कवस्तीमा गएको पहिरोमा ६ जनाको मृत्यु भएको छ ।
मृत्यु हुनेमा ३० वर्षीया चण्डीका थापामगर र उनका २ वर्षका छोरा आयुस रहेकाे प्रहरीले जनाको छ । थापामगर शिक्षिका हुन् । मृतक अन्य ४ जनाको पहिचान खुल्न सकेको छैन । वर्षीया अञ्जना घाइते भएकी छन् । उनको कम्मरभन्दा मुनिको भाग चलेको छैन ।
यस्तै पुड्की पहरी, उर्मिला पहरी, सन्तोष पहरी, विज्ञान पहरी, सन्दीप पहरी, काले पहरी झ्याउकिरी पहरी र विपिता पहरी पनि पहिरोमा परेका छन् ।
भेटिएका थप ६ वटा शव उनीहरुमध्येकै हुनसक्ने अनुमान प्रहरीको छ । पहिरोमा परी ४ जना अझै बेपत्ता छन् ।
पहिरोले ४ वटा घर बगाएको थियो । यस्तै एउटा पक्की पुल पनि बगाएको छ ।
नेपाल प्रेस
प्रकाशित: २०८१ भदौ ९ गते ९:२६
प्रतिक्रिया
सम्बन्धित खवर
