नेकपा एसको उपमहासचिवमा युवापुस्ताबाट लक्ष्मण केसीको उम्मेदवारी दर्ता
नेपाल प्रेस
२०८१ भदौ ११ गते ९:५२
काठमाडौं । नेकपा एकीकृत समाजवादी पार्टीका पदाधिकारी चयनका लागि आज निर्वाचन हुँदैछ । अहिले मनोनयन दर्ताको क्रम जारी छ ।
उपमहासचिवमा ४५ वर्षमुनिको युवापुस्ताबाट लक्ष्मण केसीले उम्मेदवारी दिएका छन् । ४ उपमहासचिव पदका लागि हुने निर्वाचनमा नयाँ पुस्ताबाट केसीको उम्मेदवारी परेको हो ।
केसीले उपमहासचिव उम्मेदवारीको १ नम्बर क्रमसंख्यामा उम्मेदवारी दर्ता गराएका छन् ।
यसअघि केन्द्रीय सदस्य केन्द्रीय संगठन विभागको सचिव रहेका केसीलाई अध्यक्ष माधव कुमार नेपाल र महासचिव घनश्याम भुसालले ग्रिन सिग्नल दिएपछि उपमहासचिवमा उम्मेदवारी दर्ता गराएका हुन् ।
सल्यानका केसी लामो समयदेखि अध्यक्ष माधव नेपालको निकट सहयोगीका रूपमा काम गर्दै आएका थिए ।
यस्तै उपमहासचिवका लागि कोशी प्रदेशका पूर्वमुख्यमनत्री राजेन्द्र राई, मेटमणि चौधरी, जीवनराम श्रेष्ठ लगायतको पनि उम्मेदवारी परेको छ ।
नेपाल प्रेस
प्रकाशित: २०८१ भदौ ११ गते ९:५२
प्रतिक्रिया
सम्बन्धित खवर
