एपीएफका ४ डीआईजीको सरूवा

काठमाडौं । सशस्त्र प्रहरी बलका चारजना डीआईजीको सरुवा भएको छ । सशस्त्र प्रहरीको प्रधान कार्यालयले उनीहरुलाई सरुवा गरेको हो ।

जसमा डीआइजी अभि कुमार खत्रीलाई ५ नं. विन्ध्यावासिनी बाहिनी रुपन्देहीबाट प्रधान कार्यालय मानवस्रोत विभागमा सरुवा गरिएको छ । त्यस्तै, दुर्गा प्रसाद भट्टराईलाई सुर्खेतको ६ नं. महेश्वरी बाहिनीबाट राष्ट्रिय सुरक्षा परिषद सचिवालय सिंहदरबारमा ल्याइएको छ ।

प्रदीप कुमार पाललाई राष्ट्रि सुरक्षा परिषद सचिवालयबाट रुपन्देहीको ५ नं. विन्ध्यावासिनी बाहिनीमा पठाइएको छ भने सुरेश कुमार श्रेष्ठलाई मानवस्रोत विभागबाट ६ नं. महेश्वरी बाहिनी सरुवा गरिएको सशस्त्रले जनाएको छ ।