एलन मस्क डोनाल्ड ट्रम्पको सरकारमा जोडिन आतुर !

काठमाडौं । अमेरिकी खर्बपति एलन मस्क डोनाल्ड ट्रम्प सरकारमा जोडिन आतुर देखिएका छन् । विद्युतीय सवारी कम्पनी टेस्ला, अन्तरिक्ष उडान कम्पनी स्टार लिङ्क तथा सामाजिक सञ्जाल एक्सका साहु मस्कले यो चुनावमा ट्रम्पलाई साथ दिएका छन् ।

ट्रम्पलाई गोली प्रहार गरिएको गत जुलाई १३ कै दिनबाट सार्वजनिक रुपमा मस्क उनको समर्थनमा जोडिएका छन् । अमेरिकी अखबार वासिङ्टन पोस्टको समाचार उद्धृत गरिएकाे रसियाली सञ्चारमाध्यम आरटीका अनुसार अमेरिकी सरकारी निकायहरुमा भएका कमजोरीहरु र त्यसको समाधान गर्न बनाइने व्यवसायिक प्रतिनिधिको एक सदस्य मस्क हुने भएका छन् । यसो गर्न मस्क आतुर भएको बताइएको छ ।

मस्कले ट्रम्पको चुनावी अभियानमा देखिनेगरी साथ दिइरहेका छन् । कमला ह्यारिसलाई ‘कमरेड कमला’ भन्दै कम्युनिष्ट करार गर्न ट्रम्पसँगै मस्क बराबर सक्रिय छन् ।