रुस युक्रेन युद्धमा समन्वयकर्ता बन्न सक्ने देशहरू चीन, भारत, ब्राजिल हुन् : पुटिन
नेपाल प्रेस
२०८१ भदौ २० गते १३:२२
काठमाडौं । रुस र युक्रेनको युद्धमा समन्वयकर्ता बन्न सक्ने देशहरू पश्चिमा देशहरू नभएको पुटिनले संकेत गरेका छन् ।
उनले युक्रेनले पश्चिमा मेन्टरहरुको साथ समन्वय गर्न नसक्ने भन्दै समन्वय गर्ने देशहरूमा चीन, भारत र ब्राजिल भएको बताएका छन् ।
रुसमा जारी इन्टर्न इकोनोमिक फोरममा बोल्दै पुटिनले यस्तो बताएका हुन् ।
चिनियाँ उपरराष्ट्रपति हान चङ र मलेसियाका प्रधानमन्त्री अन्वर इब्राहिमसँग प्यानल छलफलमा बोल्दै पुटिनले यस्तो बताएका हुन् ।
स्विट्जरल्याण्डमा हुने वर्ल्ड इकोनोमिक फोरमको रुसी संस्करणको रूपमा बुझिने इस्टर्न इकोनोमिक फोरम यही सेप्टेम्बर ३ बाट सुरु भएर भोलि अर्थात् सेप्टेम्बर ६ सम्म चल्नेछ ।
रुसी विश्व च्यानल आरटीका अनुसार यो वर्षको फोरममा ७६ देशका ६ हजार प्रतिनिधिहरू सहभागी छन् ।
फोरम रुसको पूर्वी क्षेत्रमा रहेको सहर भ्यादिभोस्तोकमा भइरहेको छ ।
नेपाल प्रेस
प्रकाशित: २०८१ भदौ २० गते १३:२२
प्रतिक्रिया
सम्बन्धित खवर
