खोलाले मोटरसाइकल बगाउँदा दुईजनाको मृत्यु
नेपाल प्रेस
२०८१ भदौ २४ गते १२:३८
सुर्खेत । रुकुममा बाढीले मोटरसाइकल बगाउँदा दुईजनाको मृत्यु भएको छ ।
मुसिकोट नगरपालिका—६ र ७ को सिमानामा रहेको रम्बाखोलामा गएराति आएको बाढीले मोटरसाइकल बगाउँदा दुईजनाको मृत्यु भएको हो ।
मृत्यु हुनेमा रुकुम पश्चिमको मुसिकोट नगरपालिका–४ का ५० वर्षीय सर्जन पुन र वडा नम्बर ६ की ३३ निर्मला थापा केसी रहेका छन् ।
आइतबार राती साखबाट कानियाँगाउँ तर्फ जाँदै गर्दा खोला तर्ने क्रममा मोटरसाइकल सहित उनीहरूलाई खोलाले बगाउँदा मृत्यु भएको जिल्ला प्रहरी कार्यालय रुकुम पश्चिमका प्रहरी नायव उपरीक्षक नवराज पोखरेलले जानकारी दिए ।
मृतक दुवै जनाको शव पोष्टमार्टमका लागि जिल्ला अस्पताल सल्ले पठाइएको छ ।
नेपाल प्रेस
प्रकाशित: २०८१ भदौ २४ गते १२:३८
प्रतिक्रिया
सम्बन्धित खवर
