कमला ह्यारिसको पक्षमा खुलिन् टेलर स्वीफ्ट, घुमाउरो भाषामा ट्रम्पलाई हराउन आह्वान

काठमाडौं । चर्चित पप गायिका टेलर स्वीफ्ट औपचारिक रुपमा कमला ह्यारिसको पक्षमा खुलेकी छन् । ह्यारिस र ट्रम्पबीचको पहिलो बहसपछि टेलर स्वीफ्ट ह्यारिसको पक्षमा खुलेकी हुन् ।

मंगलबार भएको राष्ट्रपतीय बहसपछि टेलर स्वीफ्टले लामो इन्स्टाग्राम पोस्ट लेखेर आफू ह्यारिसको पक्षमा रहेको बताएकी छन् । इन्स्टाग्राम पोस्टमा लेखेकी छन्, ‘२०२४ को राष्ट्रपतिको निर्वाचनमा कमला ह्यारिस र टिम वाल्जलाई भोट दिँदैछु । किनभने उनी अधिकारका लागि लड्छिन् ।’

 

View this post on Instagram

 

A post shared by Taylor Swift (@taylorswift)

उनले ट्रम्पलाई इंगित गर्दै अमेरिकनहरु अराजक नेतृत्वद्धारा शासित नभएमा धेरै कुरा हासिल गर्न सकिने उल्लेख गरेकी छन् । एलजीबिटीब्यु प्ल्स, आइभीएफ र महिला अधिकारका पक्षमा लामो समयदेखि वाल्जले लडिरहेकाले आफू ह्यारिसले छनोट गरेको उपराष्ट्रिपतिको उम्मेदवारबाट निकै प्रभावित भएको उल्लेख गरेकी छन् ।

उनले घुमाउरो भाषामा ह्यारिसलाई भोट गर्न अह्वान गर्दै लेखेकी छन्, ‘मैले लामो अनुसन्धानमार्फत् आफ्नो निर्णय लिएकी छु । तपाईंहरु पनि आफ्नो निर्णय लिनुहोला । विशेष गरेर पहिलोपटक भोट हाल्दै गर्नुहुने मतदातालाई यो भन्न चाहन्छु कि तपाईहरुले भोट गर्नका लागि पहिला मतदाता नामावलीमा तपाई दर्ता भएको हुनुपर्छ । प्रारम्भिक मतदान गर्न एकदै सजिलो छ ।कहाँ रजिस्टर हुने र प्रारम्भिक भोटिङ डेट पत्ता लगाउने भनेर म मेरो इस्न्टा स्टोरीमा लिंक पनि हाल्नेछु ।’

उनले केही समयअघि एआईमार्फत् गलत तरीकाले ट्रम्पको पक्षमा आफूलाई खुलेको देखाएको पनि बताएकी छन् । अमेरिकी राष्ट्रपतिको निर्वाचन आउँदो नोभेम्बरमा हुँदैछ । वर्तमान राष्ट्रपछि जो बाइडेनले उम्मेदवारीबाट हात झिकेपछि ह्यारिस–ट्रम्पबीच प्रतिस्पर्धा हुँदैछ ।