पत्रकार महासंघको कार्यवाहक अध्यक्षको जिम्मेवारी विष्टले सम्हाले

काठमाडौं । नेपाल पत्रकार महासंघका अध्यक्ष बिपुल पोख्रेलले राजिनामा दिएसँगै बरिष्ठ उपाध्यक्ष रमेश बिष्टले कार्यवाहक अध्यक्षको जिम्मेवारी सम्हालेका छन् ।

महासंघमा बुधबार उपलब्ध पदाधिकारी तथा सदस्यको बैठक बसेर अध्यक्ष पोख्रेलले राजिनामा पछिको उत्पन्न परिस्थितिका बारेमा समिक्षा गर्नुका साथै बरिष्ठ उपाध्यक्ष बिष्टले बुधबारदेखि नै कार्यभार सम्हाल्ने निर्णय भएको महासंघले जनाएको छ ।

बैठकले महासंघको निर्वाचन तोकिएकै मितिमा नै सम्पन्न गराउन निर्वाचन समिति सहित सबै सरोकारवाला पक्षसँग गम्भीर छलफल गरेर अघि बढ्ने निर्णय भएको महासंघका महासचिव रोसन पुरीले प्रेस विज्ञप्ती जारी गर्दै जानकारी गराएका छन् ।