बागलुङमा घरको गाह्रो भत्किँदा एकजनाको मृत्यु, ११ मजदुर घाइते

पोखरा । बागलुङमा घर भत्काई पुनः निर्माण गर्ने क्रममा गाह्रो भत्किँदा एक जनाको मृत्यु भएको छ ।

बागलुङ ढोरपाटन नगरपालिका –१बुर्तिबाङ बजारस्थित स्वामीचोकमा घर भत्काउने क्रममा  ५५ वर्षीय बेगबहादुर विकको मृत्यु भएको हो ।

घाइते हुनेमा बागलुङका ३४ वर्षीय खडकप्रसाद विक, सोही ठाउँका २० वर्षीय इन्द्र रसाइली, ४० वर्षीया कोपिला छन्त्याल, ५० वर्षीय शुभ बुढामगर, ४० वर्षीया देविसरा विक, ३० वर्षीया किथमकुमारी विक, ३८ वर्षीय कीखममाया घर्ती, ३५ वर्षीय टेकबहादुर विक, ५१ वर्षीया टेकमाया रसाइली, रुपन्देहीका २६ वर्षीय शंकर पन्थी र काठमाडौं २४ वर्षीय सुगान्त पौडेल छन् ।

घाइतेलाई उद्धार गरी उपचारको लागि प्राथामिक स्वास्थ्य केन्द्र बुर्तिवङ बागलुङ पठाइएको डीएसपी यादवले जानकारी दिए ।