इजरायलले हेजबुल्लाका हजारौँ पेजरमा विस्फोटक पदार्थ हालेको खुलासा, ९ जनाको ज्यान गयो

काठमाडौं । मंगलबार लेबनाममा रहेको लडाकु समूह हेजबुल्ल्लाका पेजरहरु एकाएक सबैतिर पड्किन थाले । गोजीमा बोकेका पेजरहरु पड्किन थालेपछिको समस्याका धेरै भिडियो फुटेजहरू सामाजिक सञ्जालमा भाइरल पनि भए ।

पेजर पड्केर ९ जनाको मृत्यु र २७५० जना घाइते भएको बताइएको छ । मृत्यु हुनेहरूमा बालबालिका र सर्वसाधारणहरू पनि भएको बताइएको छ ।

ताइवानबाट बन्ने पेजरहरु खरिद गर्ने हेजबुल्लाले पछिल्लो समयमा नयाँ प्रविधिको पेजर किन्ने भन्दै युरोपबाट खरिद गरेको बताइएको छ । त्यही खरिदमा इजरायली घुसपैठ भएर विस्फोटक पदार्थ भरेर पठाइएको चर्चा चल्न सुरु भएको छ ।

हेजबुल्लाको सुरक्षा संयन्त्रमा इजरायली घुसपैठ भएको र त्यसले धेरै मानवीय क्षति नगरे पनि हेजबुल्ल्लामा मनोवैज्ञानिक डर पैदा गने कतारी विश्व च्यानल अलजजिराले उल्लेख गरेको छ ।

बीबीसीले भने विभिन्न रिपोर्टको हवाला दिएर पेजरमा इजरायलले विस्फोटक पदार्थ राखेको खुलासा भएको बताएको छ ।

गाजाको तनावलाई लिएर इजरायल र हेजबुल्ल्लाको गोलाबारी आदानप्रदान हुँदै आएको छ ।