यशकुमारको ‘तिमी छौ र त’ को दोस्रो भाग ‘आँखा बन्द गरेर’ सार्वजनिक

काठमाडौं । गायक एवम सर्जक यशकुमारको ‘तिमी छौ र त’ को दोस्रो भाग नयाँ गीत ‘आँखा बन्द गरेर’ सार्वजनिक भएको छ । उनकै संगीत र गायन रहेको करिव १५ मिनेटको म्यूजिक भिडियोमा प्रेम, र मिलनपछिको बिछोडको कथा समेटिएको छ ।

निर्मल मगरको शब्द रहेको म्यूजिक भिडियोमा निकेश खड्काले भिडियोमार्फत संगीत र कथा प्रस्तुती एकदमै हेर्न लायक छ । यस अघि युट्युवमा ५३ लाख पटक हेरिएको ‘तिमी छौ र त’ गीतको दोस्रो भागको रुपमा यशकुमारले नयाँ गीत सार्वजनिक गरेका हुन् ।

उनले बुधबार राजधानी काठमाडौंमा पत्रकार सम्मेलन गर्दै म्युजिक भिडियो सार्वजनिक गरका छन् । भिडियोमा यशकुमार सहित अनु थापा, प्रेम सुब्बा र राजेश घतानीको अभिनय रहेको छ ।

आफ्ना गीतमा सामाजिक मुद्दा उठाउने यशकुमारले पछिल्लो समय प्रेम सम्बन्धका कथा बुनेर गित तथा म्यूजिक भिडियो सार्वजनिक गरिरहेका छन् । यस अघिको ‘तिमी छौ र त’ म्यूजिक भिडियो एकदमै रुचाइएपछि यस पटकको म्यूजिक भिडियोमा पनि उनकै अभियन राखिएको छ ।

यशकुमारले एक दिन अघि आफ्नो युट्युव च्यानलबाटै सार्वजनिक गरेको म्यूजिक भिडियो २४ घण्टा नबित्दै २५ लाख पटक हेरिसकिएको छ । य

शकुमारका पछिल्ला गित तथा म्यूजिक भिडियोमा ‘तिमी छौ र त’ एकदमै रुचाइएको म्यूजिक भिडियो हो । अहिलेको गित तथा म्यूजिक भिडियोलाई पनि दर्शक तथा स्रोताले एकदमै मन पराउने गायक यसकुमारको अपेक्षा छ ।