वेर्डर ब्रेमेनमाथि बायर्नको शानदार जित, केनको कीर्तिमान
नेपाल प्रेस
२०८१ असोज ६ गते ७:१६
हेटौँडा । जर्मनीको बुन्डेस लिगामा लिडर बायर्न म्युनिखले वेर्डर ब्रेमेनमाथि शानदार जित निकालेको छ ।
शनिवार राति भएको खेलमा ब्रेमेनमाथि म्युनिखले ५-० को शानदार जित निकालेको हो । बायर्नको जितमा इङलिस खेलाडी ह्यारी केनले कीर्तिमान रचेका छन् ।
केनले बुन्डेसलिगाको सर्वाधिक गोल गर्ने इङ्लिस खेलाडीको रूपमा जाडोन सान्चोभको कीर्तिमान भंग गर्दै नयाँ कीर्तिमान बनाए ।
सान्चोले बोरुसिया डर्टमुन्डबाट ४० बुन्डेसलिगा गोल गरेका थिए । उक्त गोल गर्न उनलाई ११८ खेल खेल्नु परेको थियो तर केनले म्युनिखको लागि अहिलेसम्म ३६ खेलमा ४१ गोल गर्दै सान्चोभको कीर्तिमान भंग गरिदिएका हुन् ।
खेलमा शनिवारको खेलमा बायर्नको लागि केन बाहेक माइकल ओलिसेले दुई गोल गरे भने जमाल मुसियाला र सर्ज गनब्रीले पनि गोल गरेका थिए ।
जितपछि यो सिजन ४ खेलमा अपराजित रहँदै बायर्न १२ अंक सहित तालिकाको शीर्ष स्थानमा यथावत् छ ।
नेपाल प्रेस
प्रकाशित: २०८१ असोज ६ गते ७:१६
प्रतिक्रिया
सम्बन्धित खवर
