वर्षाका कारण बिहानैदेखि आन्तरिक उडान प्रभावित, माउन्टेन फ्लाइट रद्द – Nepal Press

वर्षाका कारण बिहानैदेखि आन्तरिक उडान प्रभावित, माउन्टेन फ्लाइट रद्द

काठमाडौँ । प्रतिकुल मौसमका कारण आज आन्तरिक उडानहरू प्रभावित भएका छन् ।

लगातारको वर्षाका कारण भिजिबिलिटी कम हुँदा आजका उडानहरू बिहानैदेखि प्रभावित छन् । आजको माउन्टेन फ्लाइटहरु सबै रद्द भएका छन् ।

लगातारको वर्षाले भिजिबिलिटी कम भएपछि भद्रपुर, पोखरा, भरतपुर, विराटनगर, तुम्लिङटार, सुर्खेतसहितका विमानस्थल खुलेको छैन ।

काठमाडौंबाट सो ठाउँमा जान हिँडेका यात्रुहरू त्रिभुवन अन्तर्राष्ट्रिय विमानस्थलमै अड्किएका छन् ।

उडानहरू सुचारु नहुँदा विमानस्थलमा यात्रुहरूको भिड बढेको विमानस्थलका प्रवक्ता रिञ्जी शेर्पाले नेपाल प्रेसलाई बताए ।

धनगढी, नेपालगञ्ज, भैरहवा, सिमरा र जनकपुरका उडानहरू भने भएका छन् ।

शेर्पाका अनुसार आज केही उडान भए पनि अधिकांश उडान प्रभावित छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर