अनमोलको ‘जेरी अन टप’ मा माग्नेबुढाको प्रवेश, दीपकराज के भन्छन् ?

काठमाडाैं । अनमोल केसी स्टाटर चलचित्र जेरी अन टपमा एउटा ठूलो नामको प्रवेश भएको छ । उनी हुन् केदार घिमिरे उर्फ माग्ने बुढा ।

छक्कापञ्जा सिरिजबाहेक अरु चलचित्रमा खासै नखेल्ने घिमिरेले जेरी अन टपमा साइन गरेका छन् ।

चलचित्रमा उनको अहम् भूमिका रहने निर्माण स्रोतले बताएको छ । चलचित्रमा यसअघि नै अनमोलसहित तीन नायिकाहरु जसिता गुरुंग, आँचल शर्मा र सुरक्षा पन्त अनुवन्धित भइसकेका छन् ।

माग्ने बुढाले छक्कापञ्जा टिमभन्दा बाहिर अभिनय गरेको यो दोस्रो चलचित्र हो । यसअघि उनले पूजा शर्माले निर्माण गरेको रामकहानीमा अभिनय गरेका थिए । सो चलचित्र फ्लप भएको थियो ।

छक्कापञ्जाका निर्माता दीपकराज गिरीले माग्ने बुढाले जेरी अन टपमा अभिनय गर्न लागेकोमा शुभकामना दिएका छन् ।

उनले फेसबुकमा लेखेका छन्, ‘बाहिर हल्ला जे भएता पनि हाम्रो प्रिय भाइ माग्नेले हाम्रो टीमबाहिर भटाभट फिल्महरु गरिरहेका छन् । उनको यो खुशीमा मुरिमुरी शुभकामना ।’