भारतीय कम्युनिष्ट पार्टी मार्क्सवादीको अन्तरिम नेता बने प्रकाश कारत

काठमाडौं । भारतीय कम्युनिस्ट पार्टी माक्र्सवादीको अर्को महाधिवेशन नभएसम्मका लागि प्रकाश कारत संयोजक तोकिएका छन् । महासचिव सिताराम यचुरीको निधनपछि दिल्लीमा आइतवार बसेको बैठकले कारतलाई पोलिटव्युरो र केन्द्रीय कमिटीको संयोजक तोकिएको हो ।

पार्टीले यसलाई अन्तरिम नेतृत्व भन्दै आगामी वर्ष हुने २४ औं महाधिवेशनसम्म कारतलाई नेता बनाएको हो । यचुरीभन्दा भन्दा पहिले पनि कारत महासचिव थिए ।

सिपिआइएमको महाधिवेशन आगामी अप्रिलमा हुँदैछ । कुनै बेला भारतीय सत्ता राजनीतिको निर्णायक शक्ति मानिने यो पार्टी अहिले केरल राज्यको नेतृत्वमा सिमित छ भने संसदमा ५ सीटको मात्र शक्ति छ ।