आफनै विद्यार्थीलाई बलात्कार गरेको आरोपमा शिक्षक पक्राउ
नेपाल प्रेस
२०७८ वैशाख २२ गते १४:००
प्रतिकात्मक तस्बिर ।
काठमाडौं । चौध वर्षीया बालिकालाई बलात्कार गरेको आरोपमा एक शिक्षक पक्राउ परेका छन् ।
प्रहरीले काठमाडौं महानगरपालिका पुतलीसडक बस्ने दोलखा भिमेश्वर नगरपालिका -९ घर भएका २९ वर्षीय शम्भु लामालाई मंगलबार बिहान पक्राउ गरेको हो ।
सुन्धारास्थित ढोरपाटन होटलमा ललाई फकाई ती बालिकालाई लामाले लगेर २ दिनसम्म राखी पटक-पटक बलात्कार गरेको प्रहरीले जानकारी दिएको छ ।
उनले बन्धक बनाइ बलात्कार गरेको उजुरी परेपछि महानगरीय प्रहरी वृत्त जनसेवाबाट खटिएको प्रहरीले पक्राउ गरेको हो । लामाले आफै विद्यार्थीलाई काठमाडौं ल्याएर होटलमा लगेर बलात्कार गरेको खुल्न आएको छ ।
प्रहरीले थप अनुसन्धान गरिरहेको छ ।
नेपाल प्रेस
प्रकाशित: २०७८ वैशाख २२ गते १४:००
प्रतिक्रिया
सम्बन्धित खवर
