रुसका धनी झन धनी बन्दै, यहि वर्ष बढ्यो ३१ अर्ब डलर आम्दानी

काठमाडौं । रुसका धनीहरु झन धनी भएको तथ्यांक सार्वजनिक भएको छ । अमेरिकी संस्था ब्लुमबर्गका अनुसार यहि वर्षमा मात्रै ३१ अर्ब अमेरिकी डलरको धन रुसी धनाढ्यहरुमा थपिइएको छ ।

गत सेप्टेम्बर ३० सम्मको आँकडामा विश्वका ५०० शीर्ष खर्बपतिमा २५ जना रुसी खर्बपति छन् । खानी उद्योगी भ्यादिमिर पोतानिन रुसका सबैभन्दा धनाढ्यको रुपमा रहेका छन् ।

उनको सम्पति ३२ अर्ब ६ करोड अमेरिकी डलर पुगेको रुसी विश्व च्यानल आरटीले उल्लेख गरेको छ ।

दोस्रो धनाढ्यमा भ्यादिमिर लिसिन रहेका छन् । उनको सम्पति २८ अर्ब २ करोड अमेरिकी डलर रहेको छ । उनी स्टिल उद्यागपति हुन् ।

रुस युक्रेन युद्ध भएपछि रुसलाई अमेरिका नेतृत्वका पश्चिमा देशहरुले नाकाबन्दी लगाएका छन् ।

कयौँ अमेरिकी तथा यूरोपेली देशहरुमा रुसी जहाजलाई प्रतिबन्ध लगाइएको छ । यस्तो हुँदा पनि रुसको अर्थतन्त्र र रुसी धनाढ्यहरुको सम्पत्ति बढिरहेको विभिन्न तथ्यांकहरुले देखाइरहेका छन् ।