सैनिक स्वास्थ्यकर्मीलाई जंगी अड्डाको निर्देशन- सेवा फिर्तीको लागि तयारी रहनू

काठमाडौं । नेपाली सेनाले अवकासप्राप्त आफ्ना स्वास्थ्यकर्मीलाई पुन: सेवामा लगाउने तयारी गरेको छ ।

नयाँ भेरियन्टसहितको कोरोना संक्रमण तीव्र रूपमा फैलिएपछि महामारी रोकथाम तथा नियन्त्रणका लागि अवकासप्राप्त सैनिक स्वास्थ्यकर्मीलाई आवश्यक परेका बेला बोलाउन सक्ने गरी तयारी हालतमा रहन ‘रिकल टू ड्यूटी’ निर्देशन जारी गरेको सैनिक जनसम्पर्क निर्देशनालयले जनाएको छ ।

विश्वव्यापी महामारी बनेको कोभिड-१९ रोकथाम, उपचार र नियन्त्रणलगायतका काममा फ्रन्टलाइनमा खटिनेमध्ये सैनिक पनि एक हो ।

प्रधान सेनापति पूर्णचन्द्र थापाको अध्यक्षतामा बसेको विशेष बैठकले २०७२ सालभन्दा पछाडि नेपाली सेनाको स्वास्थ्य सेवाबाट अवकास प्राप्त गरेका स्वास्थ्यकर्मीहरुलाई राष्ट्रलाई आवश्यक परेको बखत बोलाउन सक्ने निर्णयको आधारमा  तयारी हालतमा रहन निर्देशन जारी गरेको हो ।