सय वर्ष पुगे जिम्मी कार्टरः शताब्दी बाँच्ने प्रथम अमेरिकी राष्ट्रपतिको बनाए रेकर्ड

काठमाडौं । अमेरिकी पूर्वराष्ट्रपति जिम्मी कार्टर आज एक सय वर्ष पूरा पुगेका छन् । विश्व मिडियाहरुका अनुसार उनी सय वर्ष बाँच्ने अमेरिकी राष्ट्रपतिहरुमा पहिलो अनुहार भएका छन् ।

कार्टर सन् १९७७ बाट सन् १९८१ सम्म अमेरिकाको राष्ट्रपति भएका थिए । उनी र उनकी श्रीमतिले मिलेर सन् १९८२ मा स्थापना गरेको कार्टर सेन्टरले परोपकारी तथा अभियानकारी कामहरु गर्दै आएको छ ।

नेपालको शान्ति प्रकृयामा पनि यो सेन्टर सक्रिय थियो । कार्टर आफैँ नेपाल आएका थिए । माओवादीलाई अमेरिकाको आतंककारी सूचीबाट हटाउन उनीमार्फन माओवादी नेता तथा अरु नेपाली नेताहरु आग्रह गरेका थिए । सन् १९२४ अक्टोबर १ मा अमेरिकाको जर्जिया राज्यको कृषक परिवारमा जन्मेका थिए कार्टर ।

उनी अमेरिकाको वर्तमान सत्ताधारी दल डेमोक्रेटिक पार्टीबाटै राजनीति गरेर सत्ता पुगेका थिए । उनी सय वर्ष पुगेको अवसरमा ह्वाइट हाउसमा शुभ जन्मोत्सवको ब्यानर टाँगिएको छ ।