धारावासीको ‘अर्धकट्टी’ र तिवारीको ‘९६ गड्डी’ कृति सार्वजनिक

काठमाडौं । लेखकद्वय कृष्ण धारावासी र प्रकाश तिवारीको नवीनतम कृति सार्वजनिक गरिएको छ । धारावासीको आफ्नो जीवनीमा आधारित कृति अर्धकट्टी र तिवारीको उपन्यास ९६ गड्डी सार्वजनिक भएको हो ।

बुधवार काठमाडौंमा साहित्यकार वैरागी काइँला ,वरिष्ठ अधिवक्ता कृष्ण प्रसाद भण्डारी र पूर्वप्रध्यान्यायधिश गोपाल पराजुलीलले दुवै कृतिको विमोचन गरेका थिए ।

पैरवी प्रकाशनले प्रकाशन गरेको पुस्तकबारे बोल्दै लेखक धारावासीले आफ्ना जीवनका विभिन्न आयामहरूबारे यसअघिको आधा बाटो र पाण्डुलिपिमा रहेको भन्दै अर्धकट्टी त्यसैको निरन्तरता रहेको बताए ।

उनले आफ्नो जीवनमा जोडिएका विभिन्न मान्छे घटनाकाबारे कृतिमा उल्लेख गरेको बताए। ‘पुस्तकमा करिब २ हजार व्यक्तिहरूको नाम छ। जोसँग म जीवनको यात्रामा जोडिएँ’, उनले भने ।

त्यसैगरी तिवारीले आफ्नो पुस्तकमा नेपालमा भइरहेको कर्मचारीतन्त्रभित्र हुने भ्रष्ट्राचार विषयले उल्लेख गरेको बताए ।

’४६ सालदेखिबाट उपन्यासको कथा सुरू हुन्छ। एउटा व्यक्तिले कसरी धनको लालचमा आफूलाई भ्रष्ट बनाउँछ भन्ने कुरा पुस्तकमा उल्लेख गरेको छु’, उनले भने ।

दुवै पुस्तकबारे बोल्दै लेखक अमर न्यौपानेले यी कृतीले नेपाली साहित्यमा थप महत्त्वपूर्ण भूमिका खेल्ने बताए ।

विमोचन कार्यक्रममा विभिन्न तह र तप्कामा बसेर अनवरत काम गरिरहेका साहित्यकार, पत्रकार, अधिवक्ता, न्यायाधीशहरूलाई पनि दोसल्लासहित प्रमाणपत्रले सम्मान गरिएको थियो ।