नेपालको बाढीपहिरोमा परेको विपतमा बेलायती राजारानीको चिन्ता
नेपाल प्रेस
२०८१ असोज १८ गते १०:४३
काठमाडौं । नेपालमा हालसालै भएको बाढी तथा पहिरोबाट भएको विपतमा बेलायती राजारानीले चिन्ता प्रकट गरेका छन्।
उनीहरूले नेपाल र बेलायत सम्बन्ध गोर्खाहरूको योगदानले मात्र नभएर धेरै कुराले भएको भन्दै बेलायती राजाले नेपालमा धेरै बेलायती को भावनात्मक सम्बन्ध भएको बताए ।
राजाले यो सन्देश एक औपचारिक वक्तव्यमा सार्वजनिक गरेका छन्। नेपालको चाडबाडको मुखमा भएको विपतमा सबै परिवारहरूसँगै मिलेर बस्न सकुन् भन्दै कामना गरेका छन्।
राजाले आफू र रानीले दिएको भनेको सन्देश राजपरिवारको आधिकारिक सामाजिक सञ्जालमा राखिएको छ ।
सन्देशमा भनिएको छ, ‘संयुक्त अधिराज्य सधैँ आवश्यकतामा सहयोग गर्न तयार छ ।’
A message of condolence from The King to the President of Nepal, following the recent flooding and landslides. pic.twitter.com/5R0nCg6YMV
— The Royal Family (@RoyalFamily) October 3, 2024
नेपाल प्रेस
प्रकाशित: २०८१ असोज १८ गते १०:४३
प्रतिक्रिया
सम्बन्धित खवर
