तालिवानलाई आतंककारी सूचीबाट हटाउँदै रुस
नेपाल प्रेस
२०८१ असोज १९ गते १३:४२
काठमाडौं । रुसले तालिवानलाई आतंककारी सूचीबाट हटाउने भएको छ ।
रुसी विश्व च्यानल आरटीका अनुसार रुसी राष्ट्रपति भ्यादिमिर पुटिनका विशेष दूतका रुपमा काबुल पुगेका जमिर काबुलोभले यस्तो बताएका हुन् ।
उनले शुक्रबार पत्रकारसँग कुराकानी गर्दै आइएससँग लड्नको लागि तालिवानसँग सहकार्य हुने बताएका छन् । रुसी बाह्य गुप्तचरी निकाय (एफएसबी)का प्रमुख अलेक्सान्डर बोर्तनिकोभले पनि यो खबरको पुष्टि गरेका छन् ।
उसो त सन २०२१ मा २० वर्ष अफगानिस्तान कब्जा गरेर बसेको अमेरिका फिर्ता भएको दिन काबुल कब्जा गरेका तालिवानसँग सबैभन्दा पहिलो चरणमा सम्बन्ध बनाउने देश नै रुस थियो । रुसले तालिवानसँग व्यवहारगत सहकार्य गर्ने बताएको छ ।
नेपाल प्रेस
प्रकाशित: २०८१ असोज १९ गते १३:४२
प्रतिक्रिया
सम्बन्धित खवर
