‘एयर होस्टेस’को मागमा मन्त्रीले गराए सहमति, नेपाल एयरलाइन्सका अन्तर्राष्ट्रिय उडान सुचारु
काठमाडौं । नेपाल वायुसेवा निगमका क्याबिन क्रु (एयर होस्टेस)का मागमा संस्कृति पर्यटन तथा नागरिक उड्डयनमन्त्री बद्री पाण्डेले पहल लिएर व्यवस्थापन पक्षलाई सहमत गराएपछि अवरुद्ध भएका अन्तर्राष्ट्रिय उडान सुचारु भएका छन् ।
सर्वोच्च अदालतको अन्तरिम आदेशलाई समेत अस्वीकार गर्दै निगम व्यवस्थापनले ४५ वर्ष उमेर पुगेका एयर होस्टेसलाई अवकाश दिन लागेपछि आन्दोलन भएको थियो । शुक्रबारको वार्ता असफल भएपछि रातिको दुबई उडान रद्द हुन पुगेको थियो भने शनिबारका कुनै उडान भएनन् ।
करिब ७ घण्टा लामो वार्तापछि निगमको कर्मचारी विनियमावली संशोधन गरी ४५ वर्षको ठाउँमा ५० वर्ष उमेर हद कायम गर्नेलगायतका सहमति भएको छ । अब निगम व्यवस्थापनले तत्कालै नियमावली संशोधनका लागि मन्त्रिपरिषद्मा पठाउनेछ ।
मन्त्री बद्री पाण्डे, सचिव, निगम कार्यकारी अध्यक्षलगायत व्यवस्थापन पक्षका सबै जना वार्तामा थिए । एयर होस्टेसका तर्फबाट अध्यक्ष प्रदा कार्की, प्रजिता कार्की, स्मिता गुभाजूलगायत सहभागी थिए ।
सर्वोच्च अदालतले केही महिनाअघि कर्मचारीबीच सेवा, सुविधा र सेवा अवधिमा भेदभाव नगर्न निगमका नाममा अन्तरिम आदेश जारी गरेको थियो । सर्वोच्चको आदेशको अवहेलना गर्दै ४५ वर्ष पुगेका एयर होस्टेस (क्याविन क्रु) लाई अवकास दिन लागिएको, सेवा सुविधामा भेदभाव भएको भन्दै केही दिनदेखि कर्मचारीबीच असन्तुष्टि छाएको थियो ।
सिजनको बेलामा हडताल गराउन लगाएर रद्द भएको उडानका प्यासेन्जरलाई कमिशन खाएर अर्को एयरलाईन्स पठाउन निगम व्यवस्थापनले गरेको नाटक हो यो ।
उमेर जाति, लिगं का आधारमा जागिरमा कूनै भेदभाव गर्न पाइन्न, जबसम्म व्यक्ति सक्षम हुन्छन काममा। त्यसकारण ५० बर्ष को हदम्याद पनि अन्याय हो । कि तरूनि मोडल चाहियो भ्नूपर्यो निगमले !