डोनाल्ड ट्रम्पको राजनीतिक सभामा एलन मस्क, गरे ट्रम्पको तारिफ

काठमार्डां । खर्बपति उद्यमी तथा सामाजिक संसाल एक्स (साविकको ट्विटर)का मालिक एलन मस्क रिपब्लिकन पार्टीका राष्ट्रपति उम्मेद्वार तथा पूर्वराष्ट्रपति डोनाल्ड ट्रम्पको चुनावी सभामा देखिएका छन् । उनले ट्रम्पको तारिफ गरेर उनीबाट मात्रै अमेरिकी लोकतन्त्र र संविधानको रक्षा हुने बताएकाे रसियन न्यूज आरटीले उल्लेख गरेकाे छ ।

यस अगाडिको चुनावी सभामा गोली प्रहार गरिएको पेन्सिलभेनियाको बट्लरमा आयोजना भएको कार्यक्रममा उनले मेक अमेरिका ग्रेट अगेन भन्ने नामा लेखिएको टोपी लाएर बोलेका थिए । यो पटक ट्रम्पको पोडियम अगाडि गोली छेक्ने सिसा लगाइएको थियो ।

गत जुलाई १३ मा बट्लरमा भएको सभामा ट्रम्पलाई गोली हानिएको थियो । उनको कानमा गोली लागेको थियो । त्यहि गोली प्रहारपछि मस्कले खुलेर ट्रम्पको समर्थन गर्न सुरु गरेका थिए ।