‘बेहुली फ्रम मेघौली’को क्लीप सामाजिक सञ्जालमा लिक भएपछि निश्चल बस्नेतले दिए साइबर ब्यूरोमा उजुरी

काठमाडौं । आफ्नो चलचित्र ‘बेहुली फ्रम मेघौली’को महत्वपूर्ण दृश्यहरु सामाजिक संजालमा छ्याप्छ्याप्ती भएपछि चलचित्र निर्माता तथा अभिनेता निश्चल बस्नेत साइबर ब्यूरो पुगेका छन् ।

उनले सोमवार चलचित्रको महत्वपूर्ण दृष्य खिचेर सामाजिक संजालमा हाल्नेलाई कारबाही गर्न भन्दै नेपाल प्रहरीको साइबर ब्युरोमा उजुरी दिएका हुन् ।

साइबर ब्युरोमा उजुरी दिएपछि उनले आफ्नो सामाजिक संजालमा पनि स्टाट्स हालेका छन् । स्टाट्समा उनले लेखेका छन्, ‘यदि हलमा भिडियो खिचेर आफ्नो सामाजिक संजालमा हाल्नुभएको छ भने तपाईको एकाउन्ट बन्द हुनेछ । बौद्धिक सम्पत्ति चोरी नगर्न सबैमा अनुरोध छ । कानूनी प्रक्रिया अगाडि बढिसकेको सबैलाइ जानकारी दिन चाहन्छु ।’

’पाईरेसी अपराध भएको बताउँदै उनले साईबर ब्युरोलाई धन्यवादसमेत दिएका छन् ।

घटस्थापनाको अवसर पारेर असोज १७ गतेबाट रिलिज भएको यो चलचित्रले यतिबेला बक्स अफिसमा राम्रो कलेक्सन गरेको छ । चलचित्रले गीत दिनमा २ करोड २५ लाखको ग्रस कलेक्सन गरेको छ । भने चलचित्र अहिले पनि हलहरुमा सुखद अकुपेन्सीका साथ प्रर्दशन भइरहेको छ ।