तनहुँमा टीका लाउन ससुराली आएका एकजनाको नुहाउने क्रममा नदीले बगाएर मृत्यु
नेपाल प्रेस
२०८१ असोज २७ गते १६:३४
सांकेतिक तस्बिर
दमौली (तनहुँ) । व्यास नगरपालिका-६ श्याम्घास्थित मादी नदीमा नुहाउने क्रममा एकजनाको मृत्यु भएको छ । मृत्यु हुनेमा नवलपुरको गैँडाकोट नगरपालिका-२ बस्ने ४० वर्षीय नारायण पोखरेल रहेको जिल्ला प्रहरी कार्यालयले जनाएको छ ।
नदीले बगाएको स्थानदेखि एक किलोमिटर तल उनको शव भेटिएको इन्स्पेक्टर मुनेन्द्र थापाले जानकारी दिए । दशैँमा टीका लगाउन ससुराली आएका पोखरेललाई नुहाउने क्रममा नदीले बगाएको थियो । स्थानीयबासी र प्रहरीले खोजतलास गरी उनको भेटेका हुन् ।
-रासस
नेपाल प्रेस
प्रकाशित: २०८१ असोज २७ गते १६:३४
प्रतिक्रिया
सम्बन्धित खवर
