भारत र क्यानडाको दुस्मनी बढ्दै: के भने क्यानेडेली प्रधानमन्त्री ट्रुडोले ?

काठमाडौं । भारत र क्यानेडालीकाे सम्बन्ध झनै खराब हुँदै गएकाे छ ।  खराबी उच्च राजनीतिक तहमै पुगेको छ । क्यानडाले हालसालै अपराधिक गतिविधी गरेको भन्दै ६ भारतीय कूटनीतिज्ञ निस्काशन गरेको छ । भारतले त्यसै गरेको छ ।

कूटनीतिक सम्बन्धलाई दुवै देशले केही तहमा कटौती गरेको सार्वजनिक भइसकेको छ । हालसालै प्रधानमन्त्री ट्रुडोले भनेका छन,‘ मलाई लाग्छ भारतले क्यानडाको भूमिमा क्यानेडालीविरुद्ध अपराध गर्न सकिन्छ भन्ने सोच्नु आधारभूत रुपमै गल्ती हो।’

गत वर्षको जुनमा क्यानडाका शिख नेता हार्दिप सिन्ह निजरको गुरुद्वारा नजिकै हत्या भएको थियो। भारत सरकारको लगानीमा हत्या भएको क्यानेडाली प्रधानमन्त्रीले सार्वजनिक आरोप लगाएका थिए।

शिखलाई अलग राज्य खालिस्तानको माग गर्ने आन्दोलनमा जोडिएको भन्दै उनको हत्या भएको बताइन्छ । सोही साल हत्या गरिएका शिख सुख्दोल सिंह जिलको हत्यामा पनि भारतकै हात भएको आरोप लाइएको छ ।

क्यानडामा मात्र होइन अमेरिकामा पनि भारतले शिख नेता मार्न खोजेको सार्वजनिक भएको छ । गत नोभेम्बरमा शिख नागरिकलाई न्यूयोर्कमा हत्या गर्ने योजनामा भारत सरकार लागेको आरोप लागेको छ ।