३० दिनभित्र गाजामा सहयता गर्न नदिए इजरायललाई अमेरिकाले सैन्य सहयोग बन्द गर्ने

काठमाडौं । अमेरिकाले इजरायललाई ३० दिन भित्र गाजामा सहायता जान नदिए सैन्य सहयोग बन्द गर्ने चेतावनी दिएको छ ।

बेलायती विश्व च्यानल बीबीसीका अनुसार आइतबार लेखिएको औपचारिक पत्र अहिलेसम्मको अमेरिकाले इजरायललाई गरेको सबैभन्दा कडा शब्दको चेतावनी हो ।

उत्तरी गाजामा इजरायली सैन्य हमलामा परेर कयौँ सर्वसाधारण हताहती भएको खबर आएपछि यस्तो चेतावनी आएको बीबीसीले उल्लेख गरेको छ ।

गाजामा कमजोर बन्दै गरेको मानवीयताको सङ्कट र उत्तर र दक्षिण गाजामा ९०५ आवतजावत अवरोध भएकोमा अमेरिकाले चिन्ता लिएको बताइएको छ ।

इजरायलले अमेरिकी पत्रलाई गम्भीर रूपमा लिएर अमेरिकी समकक्षीसँग कुरा गर्ने बताएको बीबीसीले लेखेको छ ।

इजरायलको सबैभन्दा ठूलो सैन्य र गुप्तचरी तथा कूटनीतिक दाता अमेरिकाले इजरायललाई दिएको यो चेतावनी धेरै कोणमा अर्थपूर्ण देखिन्छ ।