विपीन कार्कीलाई दोस्रो पटक पुत्रीलाभ
नेपाल प्रेस
२०८१ असोज ३० गते १४:४८
काठमाडौं । अभिनेता विपीन कार्कीलाई पुत्रीलाभ भएको छ । दोस्रो सन्तानको रुपमा उनलाई बुधबार पुत्रीलाभ भएको हो । उनको पहिलो सन्तान पनि छोरी नै हुन् ।
विपीनकी पत्नी रेस्मा कटुवालले आज बिहान सुमेरु सिटी अस्पतालमा दोस्रो सन्तानको रुपमा छोरीलाई जन्म दिएकी हुन् ।
श्रीमती र छोरीसँग अस्पतालमा रहेका विपीन अबको केही दिनपछि पुनः आफ्नो काममा फर्कनेछन् । उनी यसपछि ‘ऊनको स्वीटर’ को छायांकनमा व्यस्त हुनेछन् ।
२ महिना अगाडि मात्रै अभिनेता कार्कीलाई मातृशोक परेको थियो । विपीनकी आमा सरस्वती कार्कीको उपचारको क्रममा निधन भएको थियो । मातृशोक परेपछि विपीनको ‘ऊनको स्वीटर’को छायांकन रोकिएको थियो ।
उनी ‘ऊनको स्वीटर’को पछि तुलसी घिमिरेको फिल्म ‘पहाड’ र सौरभ चौधरीको ‘कर्मा’मा व्यस्त हुनेछन् ।
नेपाल प्रेस
प्रकाशित: २०८१ असोज ३० गते १४:४८
प्रतिक्रिया
सम्बन्धित खवर
