गुण्डुवासीलाई लाग्यो तिहार, मखमली फूल टिप्दै माला बुन्दै स्थानीय (तस्बिरहरू)
२०८१ कार्तिक ४ गते १०:५४
काठमाडौं । भक्तपुरको गुण्डुमा अहिले मखमली फूल टिप्न र माला गाँस्न कृषकहरू व्यस्त छन् ।
तिहारको समयमा अत्यधिक माग हुने र काठमाडौं उपत्यकामा खपत हुने मखमली गुण्डुकै उत्पादन हुने भएकाले पनि कृषकको व्यस्तता बढेको छ ।
तिहार आउन अझै करिब २ हप्ता बाँकी रहँदा कृषकहरू आफ्नो बारीको फूल टिपेर बेच्न लैजाने र माला तयार गर्ने काममा व्यस्त भएका छन् ।
भक्तपुरमा सबैभन्दा बढी फूल खेती हुने सूर्यविनायक नगरपालिका ७ गुण्डु यतिखेर ढकमक्क फुलेका सयपत्री र मखमली फूलले गाउँको सौन्दर्यता नै बढाएको छ ।
घरको आँगनदेखि खेत र बारीका पाटाभरि फुलेका फूलले यहाँको सौन्दर्यता मात्रै थपेको छैन, राम्रो आम्दानीको स्रोतसमेत बनेको छ ।
प्रकाशित: २०८१ कार्तिक ४ गते १०:५४
प्रतिक्रिया
सम्बन्धित खवर
