नवीन न्यौपाने राष्ट्रिय फुटबल टीमको अन्तरिम प्रशिक्षक नियुक्त
नेपाल प्रेस
२०८१ कार्तिक ५ गते १४:०६
काठमाडौं । नेपाली राष्ट्रिय फुटबल टीमको अन्तरिम प्रमुख प्रशिक्षक नवीन न्यौपानेले पाएका छन् ।
अखिल नेपाल फुटबल संघ (एन्फा)ले न्यौपानेलाई सोमबार उक्त जिम्मेवारी दिएको हो ।
राष्ट्रिय टोलीका पूर्वसदस्य रहेका न्यौपानेले यसअघि त्रिभुवन आर्मी क्लबको प्रशिक्षक भएर पनि काम गरिसकेका छन् ।
यस्तै चेतन घिमिरेले सहायक प्रशिक्षक र नवीन महर्जनले गोलकिपिङ प्रशिक्षकको जिम्मेवारी पाएका छन् । दुवैलाई अन्तरिम जिम्मेवारी दिइएको हो ।
नेपालले आगामी नोभेम्बरमा ताजिकिस्तानसँग मैत्रीपूर्ण अन्तर्राष्ट्रिय खेल खेल्दैछ । भिन्सेन्जो अल्बर्टो एन्नेसीको सम्झौता नवीकरण नगरेपछि राष्ट्रिय फुटबल टीम प्रमुख प्रशिक्षकविहीन छ ।
नेपाल प्रेस
प्रकाशित: २०८१ कार्तिक ५ गते १४:०६
प्रतिक्रिया
सम्बन्धित खवर
