सुमनाले भनिन्- हामीलाई तर्साउन र धम्क्याउन खोज्छन्, प्रतिरोधका लागि तयार रहनू

काठमाडौं । राष्ट्रिय स्वतन्त्र पार्टी (रास्वपा) की सुमना श्रेष्ठले आन्दोनलाई कमजोर बनाउन सरकारले तर्साउन र धम्क्याउन सक्ने भन्दै त्यसको प्रतिवाद गर्न नेता कार्यकर्तालाई निर्देशन दिएकी छन् ।

रास्वपाकी सहमहामन्त्री समेत रहेकी श्रेष्ठले बालुवाटामा जारी प्रदर्शनलाई सम्बोधन गर्दै विरोधका कार्यक्रम जारी राख्ने बताइन् ।

उनले भनिन्, ‘हामीलाई अब दबाउन, थर्काउन खोज्छन्, हामीलाई कमजोर बनाउने प्रयास गर्छन् । त्यसका लागि देश परिवर्तन गर्न हिँडेका हामीले दु:ख दिनेहरूको प्रतिकार गर्ने आँट गर्नुपर्छ ।’

उनले रास्वपालाई तर्साउने र धम्क्याउने नछाड्ने र छानीछानी प्रतिशोध साँध्ने काम हुने भएकाले प्रतिरोधका लागि तयार रहन आग्रह गरिन् ।