उदयपुरमा प्रदेश स्तरीय ब्याडमिन्टन प्रतियोगिता हुने

उदयपुर । उदयपुरमा प्रदेश स्तरीय ब्याडमिन्टन प्रतियोगिता हुने भएको छ ।

जिल्लाको चौदण्डीगढी नगरपालिकामा यही मंसिर ७, ८ र ९ प्रतियोगिता संचालन हुने बिहिबार पत्रकार सम्मेलनको आयोजना गरेर आयोजकले जानकारी दिएको छ । चौदण्डीगढी नगरपालिकाको मुख्य सहयोगमा बेल्टार ब्याडमिन्टन क्लबले प्रतियोगिता आयोजना गर्ने पत्रकार सम्मेलनमा जानकारी दिइएको थियो ।

उदयपुरमा आयोजित पत्रकार सम्मेलनमा बोल्दै क्लवका अध्यक्ष महाप्रसाद राईले प्रतियोगितामा कोशी प्रदेशका चौध जिल्लाबाट खेलाडीहरु सहभागी हुने बताए । अध्यक्ष राईले बेल्टार ब्याडमिन्टन क्लबले यस अघि नगर स्तरीय, जिल्ला स्तरीय प्रतियोगिता सम्पन्न गरिसकेको बताउदै अब प्रदेश स्तरीय प्रतियोगिता आयोजना गर्न लागिएको जानकारी दिए ।

प्रतियोगितामा नेपाल ब्याडमिन्टन सङ्घको टप १० स्थान भन्दा बाहिरका प्रदेश स्तरीय मेन्स डबल्स ओपन, सङ्घको टप १० स्थान भन्दा बाहिरका प्रदेश स्तरीय मिक्स डबल्स ओपन र जिल्ला स्तरीय ए डिभिजन तथा बी डिभिजन प्रथम बाहेकका कोशी प्रदेशका जिल्ला स्तरीय मेन्स डबल्स ओपनका साथै प्रदेश स्तरीय मास्टर डबल्स ४५ प्लस सहभागी हुने आयोजकले जनाएको छ ।