सम्राट् सिमेन्टको डिजल भण्डारणमा आगलागी
नेपाल प्रेस
२०८१ कार्तिक १८ गते १०:३२
रुपन्देही । दाङको लमही नगरपालिका-७ स्थित रहेको सम्राट् सिमेन्ट कम्पनीमा डिजल भण्डारणमा आगलागी भएको छ ।
आइतबार बिहान सवा सात बजेको समयमा एक्कासि आगलागी भएको इलाका प्रहरी कार्यालय अमिलियाका प्रहरी निरीक्षक भवानी प्रसाद धमलाले जानकारी दिए ।
आगलागीबाट तेल भण्डारणमा क्षति पुगेको छ भने आगोलाई लमही नगरपालिकाको दमकलले नियन्त्रणमा लिएको प्रहरीको भनाई छ ।
प्रहरीका अनुसार २४ हजार लिटर फर्निस आयल नष्ट भएको छ भने दुई वटा टंकीमा पनि क्षति पुगेको छ ।
तापक्रम तलमाथि हुँदा आगलागी भएको हुनसक्ने अनुमान गरिएको छ ।
तेलको टंकीमार्फत सिधै जेनेरेटरमा जडान गरिएकाले प्राविधिक त्रुटिका कारण आगलागी भएको हुन सक्ने अनुमान गरिएको जनाइएको छ ।
नेपाल प्रेस
प्रकाशित: २०८१ कार्तिक १८ गते १०:३२
प्रतिक्रिया
सम्बन्धित खवर
