दैलेखमा गोठाला गएकालाई चट्याङले हान्दा ६ जना घाइते
नेपाल प्रेस
२०८१ कार्तिक २० गते १६:०२
काठमाडौं। दैलेखको भगवतीमाई गाउँपालिकामा गोठाला गएकालाई चट्याङले हान्दा ६ जना घाइते भएका छन्।
भगवतीमाई-५ साङखोला चौरमा चट्याङले हान्दा ६ जना बालिकाहरु घाइते भएको प्रहरीले जनाएको छ।
उनीहरु सबैको उपचार भइरहेको छ। यस्तै जाजरकोटको बारेकोट गाउँपालिकामा पनि चट्याङ लागेर गर्भवतीसहित तीन जना महिला घाइते भएका छन्।
बारेकोट-१ धौलाकोटमा आफ्नो घर नजिकै रहेको टहरामा बसेर नास्ता खाइरहेको समयमा उनीहरुलाई चट्याङले हिर्काएको थियो। उनिहरुको पनि उपचार भइरहेको छ। गुल्मीमा पनि चट्याङ लागेर दुई जना घाइते भएका छन्।
मदाने-१ र ५ नम्बर वडामा आफ्नै घरमा बसिरहेका दुई महिलालाई चट्याङ लागेको थियो। उनीहरुको पनि उपचार भइरहेको छ।
नेपाल प्रेस
प्रकाशित: २०८१ कार्तिक २० गते १६:०२
प्रतिक्रिया
सम्बन्धित खवर
