तेस्रो अन्तर्राष्ट्रिय कृत्रिम हातखुट्टा दिवसमा वाकाथोन सम्पन्न

काठमाडौं । तेस्रो अन्तर्राष्ट्रिय कृत्रिम हातखुट्टा दिवसका अवसरमा कृत्रिम अंग तथा सहायक उपकरण सेवा समाज नेपाल तथा कृत्रिम हातखुट्टा तथा सहायक समाग्री व्यवसायी संघले भृकुटीमण्डपबाट वाकाथोन आयोजना गरेको छ ।

कार्यक्रममा वाकाथोन सुरु हुनु अघि कृत्रिम हातखुट्टा प्रयोगकर्ताहरुले दिवस सम्बन्धी जानकारी भएको पर्चा बेलुनमा राखेर आकाशमा उडाएका थिए ।

कार्यक्रम युएस एडको फिजिकल रिह्याबिलिटेसन अन्तर्गतको सहयोगमा भएको थियो भने कार्यक्रम संयुक्त रुपमा पोस नेपाल र आलाडाले आयोजना गरेका थिए ।

प्रमुख अतिथिको रुपमा काठमाडौं महानगरका प्रवक्ता नवीन मानन्धर रहेका थिए ।

प्रोस्थेटिक एवम् अर्थोटिक क्षेत्रमा कार्यरत सबैलाई एकै डिक्कोमा राखी एकताको भावमा कार्य अघि बढाउनु नै कार्यक्रमको प्रमुख जिम्मेवारी रहेको आयोजकको तर्फबाट सुदन बडालले जानकारी दिए ।