सुर्खेत दुर्घटना अपडेट: तीन जनाकाे मृत्यु

सुर्खेत । सुर्खेत–दैलेख सीमास्थित वीरेन्द्रनगर–१४ को रातानाङ्ग्ला नजिक शुक्रबार दिउँसो भएको फोर्स गाडी दुर्घटनामा परी तीन जनाको मृत्यु भएको छ । दुर्घटनामा घाइते तीन जनाको मृत्यु भएको हो । मृत्यु हुनेको पहिचान खुलेको छैन।

दैलेख बजारबाट सुर्खेततर्फ आइरहेको गाडी सडकबाट करिब २ सय मिटर तल भिरमा खसेको थियो ।

प्रहरीका अनुसार घटनास्थलमा १३ जना यात्रुलाई घाइते अवस्थामा उद्धार गरी गुराँस गाउँपालिकाको एम्बुलेन्समार्फत कर्णाली प्रदेश अस्पताल, सुर्खेत पठाइएको छ। गाडीमा ३० देखि ३५ यात्रु रहेको अनुमान गरिएको छ, र अन्य यात्रुको उद्धार कार्य जारी छ ।