एनपीएलमा फिक्सिङ रोक्ने क्यानको उपाय- हरेक फ्रेन्चाइज २४ घण्टै सेक्युरिटी अफिसरको निगरानीमा (भिडिओ)
नेपाल प्रेस
२०८१ कार्तिक २६ गते १५:३८
काठमाडौं । आसन्न नेपाल प्रिमियर लिग-एनपीएलमा सहभागी हुने फ्रेन्चाइज टोलीलाई निगरानी गर्न २४ घण्टै सेक्युरिटी अफिसर खटाइने भएको छ । नेपाल क्रिकेट संघ–क्यान सचिव पारस खड्काले ८ वटै फ्रेन्चाइजसँग एक एक जना सेक्युरिटी लायजन अफिसर खटिने बताए ।
‘क्यानकै एन्टी करप्सन युनिट पनि छ’, मिडियासँग कुराकानी गर्दै खड्काले भने, ‘हामीले नेपाल प्रहरीका आईजीपीसँग कुराकानी गरेर हरेक फ्रेन्चाइजसँग २४ घण्टै सेक्युरिटी लायजन अफिसर रहने व्यवस्था गरेका छौँ ।’
त्यसका लागि नेपाल प्रहरीले क्रिकेट बुझेका अधिकृतहरु खटाउने गरि सल्लाह भएको पनि क्यानले जनाएको छ । गत वर्ष आयोजन भएको नेपाल टी–२० फिक्सिङ विवादमा परेको थियो ।
नेपाल प्रेस
प्रकाशित: २०८१ कार्तिक २६ गते १५:३८
प्रतिक्रिया
सम्बन्धित खवर
