मन्त्रिपरिषद् निर्णय: राजीनामा दिएको २ महिनापछि स्वास्थ्य बीमा बोर्डका अध्यक्ष लोहनीको राजीनामा स्वीकृत (सूचीसहित)

काठमाडौं । सरकारले स्वास्थ्य बीमा बोर्डका अध्यक्ष डा. गुणराज लोहनीले दिएको राजीनामा २ महिनापछि स्वीकृत गरेको छ ।

नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारले करिब १ वर्षअघि बोर्डको अध्यक्ष नियुक्त गरेकोमा सरकार परिवर्तन भएसँगै लोहनीले गत भदौ २८ गते स्वास्थ्य तथा जनसंख्यामन्त्री प्रदीप पौडेलसमक्ष राजीनामा बुझाएका थिए ।

करिब २ महिनापछि मात्रै सरकारले लोहनीको राजीनामा स्वीकृत गरेको सरकारका प्रवक्ता सञ्चार तथा सूचना प्रविधिमन्त्री पृथ्वीसुब्बा गुरुङले मन्त्रालयमा आयोजित नियमित पत्रकार सम्मेलनमा जानकारी गराए ।

मन्त्रिपरिषद् बैठकले भन्सार महसुल नियमावली २०८१ स्वीकृत गर्ने, राहदानी (दोस्रो संशोधन) नियमावली २०८१ पनि स्वीकृत गर्ने निर्णय गरेको छ ।

यस्ता छन् आइतबारको मन्त्रिपरिषद् बैठकले गरेका निर्णय