कीर्तिपुरको मेयरमा शिवशरण महर्जनलाई साझा उम्मेदवार बनाउन छलफलमा माओवादी र नेकपा एस

काठमाडौं । नेकपा एकीकृत समाजवादीमा कीर्तिपुरको मेयरमा माओवादीलाई सघाउनेगरी छलफल अघि बढेको छ । दुवै दलले आवश्यकताअनुसार सत्तारुढ दलबाहेक विपक्षी दलसँग सहकार्य गर्ने नीति अख्तियार गरेपछि छलफल चलेको हो ।

मंसिर १६ गते हुने उपनिर्वाचनमा कीर्तिपुरको मेयरसहित वडा नम्बर १ र ४ को अध्यक्षको लागि पनि चुनाव हुँदैछ ।

नेकपा एकीकृत समाजवादीका काठमाडौं जिल्ला अध्यक्ष लक्ष्मीप्रसाद श्रेष्ठले माओवादीसँग छलफल चलिरहे पनि अहिलेसम्म कुरा नटुंगिएको बताए ।

उनले भने, ‘हामीले छलफल गरिरहेका छौं । अहिलेसम्म टुंगिएको छैन ।’

नेपाल प्रेससँग कुरा गर्दै उनले कीर्तिपुर- ४ मा माओवादीले आफ्नो पार्टीलाई सहयोग गरे मेयरमा उम्मेदवारी नदिने बताएका थिए । नेकपा एसले वडा ४ मा रीता खड्कालाई उम्मेदवार बनाउने निर्णय गरेको छ ।

मेयर र वडा १ मा अझै टुंग्याएको छैन । नेकपा एसले मेयरमा सघाउन शर्त राखे पनि माओवादीले तीन पदको उम्मेदवार घोषणा गरिसकेको छ ।

आज नेकपा माओवादी केन्द्रका अध्यक्ष प्रचण्डको उपस्थितिी मेयरमा प्रा.डा. शिवशरण महर्जन, वडा नम्बर १ अध्यक्ष उम्मेदवार अष्टमान महर्जन र ४ अध्यक्ष उम्मेदवार इन्जिनियर नारायण विष्टलाई उम्मेदवार बनाउने घोषणा गरिएको छ ।