यसकारण मोरङको ग्रामथानमा एमाले

मोरङको ग्रामथान गाउँपालिकामा अध्यक्ष पदको लागि मंसिर १६ गते उपनिर्वाचन हुँदैछ । आसन्न उपनिर्वाचनमा सूर्य ध्वजाबाहक उम्मेदवार तुलसीराम विश्वासलाई अघि सारिएको वस्तुगत अवस्थालाई एमालेले कार्तिक २७ गते पालिकाकै झोराहटमा एक भव्य कार्यक्रममार्फत आफ्नो दाबी सार्वजनिक गरेको छ । उम्मेदवार सार्वजनिक भएयताका दिनहरूमा पालिकाका अन्तरकुन्तर क्षेत्रहरूमा भएको चहलपहल, सार्वजनिक महत्त्वका स्थलहरूमा हुने गरेको चर्चा, परिचर्चा र यहाँको राजनीतिक संगठनको प्रभावका हिसाबले विश्वासले नै विश्वासको जनमत लिने र एमालेको जीत सुनिश्चित हुने देखिएको छ ।

विश्वासको जीत सुनिश्चितताका आधारहरू

१) तुलसीराम विश्वास पार्टीबाट सोझै तोकिएको, खटिएको र खटाइएको नभएर एमालेको स्थानीय कमिटी र मतदातामाझ उभिएकामध्ये आकर्षित छवि भएको र स्थानीय मतदाताले मागेका व्यक्ति हुनुहुन्छ ।

२) शासक भएर होइन, सेवक भएर काम गर्ने मान्यतामा स्थापित तुलसीराम विश्वास अन्य दलबलका उम्मेदवारमाझ हेर्दा नै आकर्षक लाग्ने व्यक्तित्व विकासको धनी हुनुहुन्छ । बहुलक्षणयुक्त युवा अनुहार, जोश र जाँगरको पर्याय हुनुहुन्छ ।

३) स्थानीय भाषा, सम्पदा, संस्कृति र रैथानेपनको प्रतिनिधित्व गर्नसक्ने उम्मेदवारको रूपमा उहाँको छवि सार्वजनिक छ । विश्वाससमुदायका स-साना मुद्दाको उठान गर्न र समाधानका लागि पहल प्रयत्न लिनसक्ने राम्रो र सकारात्मक प्रभावले आकर्षित हुनुहुन्छ । पार्टी र जनताको काममा इमान र निष्ठासाथ उभिनुभएको व्यक्तित्व हुनुहुन्छ ।

उम्मेदवार सार्वजनिक भएयताका दिनहरूमा पालिकाका अन्तरकुन्तर क्षेत्रहरूमा भएको चहलपहल, सार्वजनिक महत्त्वका स्थलहरूमा हुने गरेको चर्चा, परिचर्चा र यहाँको राजनीतिक संगठनको प्रभावका हिसाबले विश्वासले नै विश्वासको जनमत लिने र एमालेको जीत सुनिश्चित हुने देखिएको छ ।

४) ७ वटा वडा रहेको गाउँपालिकामा योजना छनोट, विकास-निर्माणको अग्रसरता लिनुहुने उपाध्यक्ष गुणावती धामीसहित बहुमत वडा र कार्यपालिका सदस्य संख्या एमालेसम्बद्ध छ । दलीय उपस्थिति छिन्नभिन्न हुँदा पनि कार्ययोजना बनाउन र कार्यसम्पादन गर्नपर्ने असजिलोको बारेमा यहाँको जनमत सचेत छ । स्मरण रहोस्, यसपूर्व ग्रामथान गाउँपालिकाको अध्यक्ष नेपाली कांग्रेससम्बद्ध हुनुहुन्थ्यो ।

५) स्थानीय जाति र भाषाको बाहुल्य रहेको ग्रामथानको उत्पादन र विकासका लागि यसको सम्बर्द्धन र प्रवर्द्धनमा अगुवा भूमिका खेल्ने एमाले पार्टी कमिटीले फराकिलो मतान्तरसहित जीतका लागि रणनीतिक महत्त्वका साथ सशक्त र व्यवस्थित योजना बनाएको छ ।

६) पार्टीमा उम्मेदवारको टुंगो लाग्नुपूर्व आकांक्षीको रूपमा धेरै जनाको नाम आए पनि अर्थात् यत्रतत्र चर्चा चले पनि उम्मेदवारको अन्तिम टुंगो लागेपछि अब नीति र नेतृत्वमा विरोधाभास छैन । उम्मेदवार जो भए पनि जनप्रतिनिधि भनेको स्थानीय जनताको नजरमा उसको दुःखसुखको साथी हो, तदनुरुप लाग्नु, खट्नुपर्छ भन्ने सस्वरमा उद्घोष गर्दै आएको एउटा बृहत पंक्ति छ, यहाँको नेतृत्व सबैजना एक ठाउँमा हुनुहुन्छ, एकमत हुनुहुन्छ ।

७) बालबालिकाको हकमा सर्वसुभल पठनमैत्री वातावरण निर्माणदेखि महिलाहरूको आर्थिक सामाजिक सशक्तीकरणसम्मका ठोस योजनामा आधारित चुनाव प्रचारप्रसारका वस्तुगत मुद्दाहरू उठेका छन् । प्रतिबद्धताको फेहरिस्तका माध्यमहरू अनेकौं छन्, जो स्थानीय भाषा, रैथाने जनजीवनमा आधारित छन् र जनमैत्री छन् ।

विश्वाससमुदायका स-साना मुद्दाको उठान गर्न र समाधानका लागि पहल प्रयत्न लिनसक्ने राम्रो र सकारात्मक प्रभावले आकर्षित हुनुहुन्छ । पार्टी र जनताको काममा इमान र निष्ठासाथ उभिनुभएको व्यक्तित्व हुनुहुन्छ ।

८) जनप्रतिनिधि चुनिएपछिका दिनहरूमा सेवाग्राहीलाई सेवा प्रवाहमा छिटो, छरितो र झञ्झटरहित बनाउन सक्ने शैक्षिक र प्राविधिक क्षमताबाहक उम्मेदवार आफैंमा अत्यन्तै बेदाग, जनसम्पर्क आधारित र घरदैलोसम्म पुग्नसक्ने र यहाँका समस्याहरुलाई राम्रोसँग बुझ्न सक्ने हुनुहुन्छ ।

९) शुद्ध पिउने पानी, स्थानीय सरसफाइ, वातावरण संरक्षणको आदिको क्षेत्रमा चुइक्क नबोल्ने बरु भ्रष्ट आचरणमात्र कोरल्ने नयाँ नाउँका कतिपय उपद्रवकारी गतिविधिबाट आजित असंगठित मत पनि राष्ट्रिय राजनीतिको निर्णायक शक्ति भनेको एमाले हो भन्ने बुझेको परिपक्व जनमत छ, जसले विकास र निर्माणको क्षेत्रमा बाढी ल्याउन चाहन्छ ।

यस्तै यस्तै थुप्रै कारणले पनि सूर्य चिह्न ध्वजाबाहक उम्मेदवार कमरेड तुलसी विश्वासको जीत सुनिश्चित छ । अग्रीम बधाई तथा कार्यकाल आशातीत शानदार सफलताको शुभकामना !