एनपिएलको प्रत्यक्ष प्रशारण स्टार स्पोर्ट्समा, टाइटल स्पोन्सर सिद्धार्थ बैंक (भिडिओ)

काठमाडौं । नेपाल प्रिमियर लिग (एनपीएल) को प्रत्यक्ष प्रशारण भारतीय च्यानल स्टार स्पोर्ट्सबाट हुने भएको छ । आज आयोजित पत्रकार सम्मेलनमा नेपाल क्रिकेट संघ (क्यान) का सचिव पारस खड्काले यसको घोषणा गरे ।

स्टार स्पोर्ट्सले आइसीसीका प्रतियोगिताहरुका साथै भारतीय प्रिमियर लिगको प्रत्यक्ष प्रशारण गर्दै आएको छ । पहिलोपटक नेपालको फ्रेन्चाइज लिग यस टेलिभिजनबाट प्रत्यक्ष प्रशारण हुन लागेको हो । स्टार स्पोर्ट्ससँग भएको सम्झौताको विवरण खुलाइएको छैन ।

एनपीएलकाे टाइटल स्पोन्सर पनि तय भएको छ । सिद्धार्थ बैंक एनपीएलकाे टाइटल प्रायाेजन गरेकाे हाे ।

उक्त बैंकसित पाँच वर्षको सम्झौता गरिएको क्यान सचिव पारस खड्काले जानकारी दिएका छन् ।